Na Ngoana oa Hao o na le Peeletso?

Batsoali ba bohlale ba hlaolela takatso ea ho ithuta ho bana ba bona ka ho etsa hore ba fumane libuka tse ntle habonolo. Ka mohlala, batsoali ba bangata ba tiisa hore bana ba bona ba na le peeletso ea koranta ea Bibele Molula-Qhooa, e sebelisoang e le motheo oa puisano ea beke le beke oa Bibele libokeng tsa Lipaki tsa Jehova. Empa ngoana o lokela ho etsetsoa peeletso ha a le lilemo li kae?

Lengolo le latelang le amohetsoe ho ’mè e mong: “Peeletso ena ke ea mora oa rōna ea lilemo li peli. Nakong ea Thuto ea Molula-Qhooa o lokela ho ba le kopi ea hae. Ke ile ka leka ho mo neha e ’ngoe ha re ne re se na kopi e eketsehileng, empa o ile a hlokomela hore litšoantšo li ne li sa tšoane, ’me a batla kopi eo re neng re e sebelisa. Ke tiisehile hore litšoantšo tse ntle tse mebala li khahla esita le ngoana e monyenyane ’me li tla thusa ho ananela ha hae lijo tsa moea tseo a ke keng a li utloisisa hajoale.”

Ke hobane’ng ha u sa tiise hore e mong le e mong oa bana ba hao o na le peeletso ea Molula-Qhooa? Amohela peeletso ea selemo ka ho tlatsa le ho romella setlankana se ka tlaase, hammoho le R12.