Leqephe la Bubeli

“Ba tsamaea le lihlopha tsa bo-hloma-o-hlomolle, ba robala likotopong tsa meaho, marulelong a matlo a seng a sa lule batho a tletseng litoeba kapa likhutlong tsa literata qubung ea lithole. Libethe tsa bona ke lipampiri tse tabohileng, liaparo tsa bona ke marantha feela. Mosebetsi oa bona ke ho utsoa chelete, botekatse le bonokoane. Ba bolaeana esita le ho bolaea batho ba fetang ka tsela.” Ke bo-mang? Ke bana ba lulang literateng tsa motse o moholo oa Latin America, ho tlaleha makasine oa Time. Empa mohlomong ke bacha ba se nang mahae ba motse o mong le o mong o moholo lefatšeng. Ho na le ba limillione, ’me lenane la bona le eketseha ka sekhahla se tšabehang.