Karolo ea 1

Molimo a ka U Thusa Hore U Itokisetse Letsatsi la Hae le Leholo

Moprofeta oa Molimo o ile a re: “Letsatsi le leholo la Jehova le haufi.” (Sofonia 1:14) Kaha letsatsi lena le ntse le atamela ka potlako, ho hlokahala hore re lule re le hopola. Na ua tseba hore u ka fumana boitsebiso ba bohlokoa ka letsatsi leo le leholo libukeng tseo ho thoeng ke Mangolo a Manyenyane a Boprofeta? Khaolo ea 1 ho ea ho ea 3 bukeng ena li tla u thusa hore u tsebe se eketsehileng ka baprofeta bao ba 12 le ka litaba tsa sehlooho tse tšohloang libukeng tsa bona. Kahoo, seo ba se ngotseng se ka u tsoela molemo, sa u ruta lithuto tseo u ka li sebelisang bophelong ba hao.