KAROLO 12
U ka Etsa Joang Hore Bophelo ba Lelapa la Hao e be bo Thabisang?
Lerato lea hlokahala e le hore malapa e be a thabileng. Baefese 5:33
Molao oa Molimo ke hore lenyalo le lokela ho ba pakeng tsa monna a le mong le mosali a le mong.
Monna ea lerato o tšoara mosali oa hae ka bonolo ebile oa mo nahanela.
Mosali o lokela ho ba le tšebelisano-’moho le monna oa hae.
Bana ba lokela ho mamela batsoali ba bona.
E-ba mosa u be u tšepahale, u se ke ua ba motho ea khopo le ea sa tšepahaleng. Bakolose 3:5, 8-10
Lentsoe la Molimo le re monna o lokela ho rata mosali oa hae joaloka ’mele oa hae le hore mosali o lokela ho hlompha monna oa hae ka ho teba.
Ho fosahetse hore motho ea lenyalong a kopanele liphate le motho eo a sa nyalanang le eena. Lenyalo la sethepu le lona le fosahetse.
Lentsoe la Jehova le ruta malapa hore na a ka etsa joang hore a thabe.