Buka ea Molimo ke Letlotlo

1. Ho na le buka eo taba tsa eona

Li tlisetsang batho bohle khotso.

Molaetsa oa eona o monate,

O re fa tšepo e re thabisang.

Ena ke Bibele e Halalelang.

Litaba tsa eona li tsoa ho Jah

A sebelisa batho ba mo ratang,

Ba susumetsoa ke moea oa hae.

2. Ba buile ka popo ea Molimo,

Kamoo bokahohle bo bileng teng.

Ba buile kamoo batho ba pele

Ba ileng ba tlosoa Paradeiseng.

Ba buile hape ka lengeloi

Le hanyelitseng bobusi ba Jah.

Eaba re qetella re na le sebe

Empa lintho tsohle li tla loka.

3. Joale ke nako ea hore re thabe

Hobane Jesu o se a busa.

Re bolele litaba tse monate,

Re thuse batho ba be le tšepo.

A re ithuteng Lentsoe la Molimo

Hore re be le khotso e ngata.

Lentsoe lena le re tlisetsa thabo.

Bohle ba ke ba ithute lona.