Borapeli
Re lokela ho rapela mang?
Mehlala ea batho ba ka Bibeleng e ka u thusang:
Mat 4:8-10—Jesu o ne a ikemiselitse ho rapela Jehova feela, ke kahoo a ileng a hana ho amohela mebuso ea lefatše eo Satane a neng a re a ka mo fa eona
Tše 19:9, 10—Lengeloi le ile la hana ha moapostola Johanne a ne a le rapela
Jehova o batla hore re mo rapele joang?
Mehlala ea batho ba ka Bibeleng e ka u thusang:
Esa 1:10-17—Jehova ha aa amohele borapeli ba batho ba sa batleng ho mo mamela
Mat 15:1-11—Jesu o ile a bontša hore Jehova ha aa batle hore re mo rapele re latela meetlo ea rona empa o batla hore re mo rapele ho latela seo a re bolellang sona ka Bibeleng
Re lokela ho rapela Jehova re na le bo mang?
Sheba le Ps 133:1-3
Mehlala ea batho ba ka Bibeleng e ka u thusang:
Lik 2:40-42—Bakreste ba pele ba ne ba kopana hammoho hore ba rapele, ba khothatsane le hore ba ithute ka Jehova
1Ko 14:26-40—Moapostola Pauluse o ile a re liboka tsa Bokreste li lokela ho hlophiseha e le hore ba tlileng ho tsona ba ka khothala le ho utloisisa seo ba se rutoang
Re lokela ho etsa’ng hore Jehova a amohele borapeli ba rona?
Mehlala ea batho ba ka Bibeleng e ka u thusang:
Heb 11:6—Moapostola Pauluse o ile a re re lokela ho ba le tumelo haeba re batla hore Jehova a amohele borapeli ba rona
Jak 2:14-17, 24-26—Ngoan’abo Jesu e leng Jakobo o ile a re re lokela ho bontša ka liketso hore re na le tumelo