Letšoao la ho Senyeha ha Boitšoaro

LITSEBI tsa khahisano li hlalosa hore ho senyeha ho sa khaotseng ha boitšoaro mehleng ena ho bakoa ke lisosa tse sa tšoaneng. Leha ho le joalo, Cunningham Geikie, seithuti sa Bibele sa lekholong la bo19 la lilemo, se qoolotse ka ho nepisisa ntho e lokelang ho jarisoa molato. Ka tlhokomelisiso e masene o lemohile hore “ke ’nete e sa fetoheng hore sebōpeho sa bolumeli ba sechaba ke letšoao la bophelo le matla a sechaba.” Ka ho khahlisang, Bibele e Halalelang e tšoantša bolumeli ba bohata le seotsoa se nang le lebitso phatleng ea sona—“Babylona e moholo.” Letsohong se tšoere mohope oa gauta o tletseng ka lintho tse manyala le tse litšila tsa bofebe ba sona. Ka ho hlakileng, ke boleng ba bolumeli bona ba bohata ba Babylona boo e leng letšoao la ’nete la boitšoaro bo litšila le bokhopo bo nyontšang.—Tšenolo 17:1, 2, 4, 5, 15.