Nako e molemohali ea bophelo

Mocha e mong oa Nigeria, Afrika Bophirimela, haufinyane o ile a ngola: “Pele, ke ne ke nahana hore nako ea bocha ke nako e thata ka ho fetisisa ea bophelo ba motho le hore lilemo tse thabisang ka ho fetisisa ke lilemo tsa ha motho e se e le ntate kapa ’mè kapa ha e se e le motho e moholo.”

Empa joale mocha enoa oa Afrika o ile a amohela kopi ea buka Bocha ba hao—ho Fumana se Molemohali ho Bona. O ile a ngola: “Ke le leboha haholo. Buka ena e nthusitse ka litsela tse ngata haholo.” O ile a phetha ka hore: “Hona joale, ka mor’a ho bala buka ena, kea hlokomela hore bocha ke eona nako e molemohali.”

Bacha ba hōlang linakong tsena tse tšoenyang ba talimana le maemo a mangata a macha ’me ba tlameha ho etsa liqeto tse boima. Na mocha o lokela ho tsuba kapa ho amohela lithethefatsi? Ke boitšoaro bofe bo nepahetseng ha a na le motho e motona kapa e motšehali ho fapana le eena? Ho thoe’ng ka ho pholla litho tsa botona le botšehali le bosodoma?

Liqeto tse fosahetseng li ka lebisa masisa-pelong le matšoenyehong a mefuta eohle. Bocha ba hao—ho Fumana se Molemohali ho Bona e tšohla lipotso tsohle tse ka holimo le tse ling tse ngata. Haeba u ka rata ho amohela kopi ena, ka kōpo tlatsa u be u romele setlankane sena.

Ke rata ho amohela buka e sekoahelo se thata e maqephe a 192 Bocha ba hao—ho Fumana se Molemohali ho Bona. (Ka ntle ho R.S.A., ngolla lekala la Watch Tower le haufinyane ho fumana boitsebiso. Bona leqephe 2.)