Ba Kopanela Boeneng bo Momahaneng

Ene e le ka la 7 August, 1993, lebaleng la Republican Stadium, Kiev, Ukraine. Ba fetang 64 000 ba neng ba le teng, ba ne ba talimile ka tebello ha nako ea ketsahalo eo e fihla. Joale, ha ba arabela lipotso tse peli tse nang le morero, ba likete ba ile ba hoeletsa ka ho re “Da!” (“E!”) Ka tsela ena, ba ile ba etsa polelo ea phatlalatsa ea tumelo ea bona eaba joale ba tsoela pele ho ea tšoantšetsa boinehelo ba bona ho Jehova Molimo ka ho kolobetsoa ho le leng la matangoana a tšeletseng a lebaleng la lipapali.—Mattheu 28:19.

Kahoo, letsatsing lena la boraro la Kopano ea machaba ea Lipaki tsa Jehova ea “Thuto ea Bomolimo,” bashebelli ba ile ba bona ketsahalo e ikhethang: ba 7 402 ba ile ba kolobetsoa ’me ba fetoha karolo, eseng ea kereke e arohaneng, empa ea phutheho ea Bokreste e kopaneng lefatšeng ka bophara.

Haeba u ka rata ho ithuta ka ho eketsehileng ka bonngoe ba Bokreste ba ’nete, ka kōpo ngolla ho Watch Tower, Private Bag X2067, Krugersdorp, 1740, kapa atereseng e loketseng leqepheng la 2.