Litaba tsa Puso ea Molimo

Afrika Boroa: Liphutheho tse hlano li ile tsa thabela ha Liholo tsa tsona tse ncha tsa ’Muso li neheloa. Tsona ke Piet Retief e ka boroa ho Transvaal, Ndwedwe North e Natala, Heilbron e Foreistata, Pankop e ka leboea ho Pretoria, le Cape Town Central.

Ka la 4 September liithuti tse ling tse 11 tse tsoang Afrika Boroa le linaheng tsa boahisani li ile tsa abeloa mangolo Sekolong sa Koetliso sa Bosebeletsi Zambia. Qetellong ea selemo sena, liithuti tse 29 tse tsoang tšimong ea rōna li tla be li abetsoe mangolo ho tloha ha sekolo se qala ka October 1993.

Botswana: Komiti ea Kaho ea Sebaka Pietersburg e ile ea kena morerong oa ho haha kapele sebakeng se hōle Francistown, Botswana. Holo e ncha ea ’Muso e ile ea ekeletsoa lehaeng la barumuoa hona moo. Baena ba tsoang Komiting ea Botswana ea Kaho ea Sebaka ba ile ba thusa baithaopi ba tsoang sebakeng sa Pietersburg. Holo e tla neheloa mathoasong a October.

Swaziland: Ho ile ha hahoa Holo ea ’Muso Mbabane, motse-moholo oa Swaziland. Ena ke holo ea pele e tla sebeletsa toropo ’me e sebelisoa ke liphutheho tse peli. Ka thuso ea baena ba tsoang Swaziland, morero ona oa kaho ea kapele o ile oa sebetsoa ke Komiti ea Witwatersrand ea Kaho ea Sebaka. Basebetsi ba makholo ba nang le tsebo ba Baithaopi ba Liholo tsa ’Muso ba tsoang Lejoe-leputsoa le Pretoria ba ile ba khobokana Mbabane ’me ba qeta mohaho ka matsatsi a seng makae. Manzini, motse o mong o moholo Swaziland, ho boetse ho hahoa Holo ea ’Muso.