Litsebiso

◼ Lingoliloeng tse tla tsamaisoa ka June: Ke Eng Seo Molimo a se Hlokang ho Rōna? kapa Tsebo e Isang Bophelong bo sa Feleng. Haeba beng ba matlo ba e-na le lingoliloeng tsena, fana ka bukana e loketseng e teng setokong sa phutheho. July le August: Ho ka sebelisoa bukana leha e efe e maqephe a 32 ho tse latelang: “Bonang, Ntho Tsohle ke li Etsa tse Ncha,” Ha Eo U Mo Ratang A E-shoa, Ho Etsahala’ng ka Rōna ha re E-shoa?, Lebitso la Molimo Le tla ’Ne le be Teng Ka ho sa Feleng, Morero oa Bophelo ke Eng—U ka o Fumana Joang?, ’Muso O Tla Tlisa Paradeise, Na Ruri Molimo oa re Tsotella?, Na U Lokela ho Lumela Boraro-bo-bong? le Thabela Bophelo Lefatšeng ka ho sa Feleng. Bukana ea Buka ea Batho Bohle le ea Meea ea Bafu—Na e ka U Thusa Kapa ea U Ntša Kotsi? Na e Hlile e Teng? li ka fanoa moo ho loketseng. September: Motho e Moholo ka ho Fetisisa ea Kileng a Phela.

◼ Liphutheho li lokela ho qala ho lokisetsa phutuho ea tšimo e sa ajoang ka lebaka la tefo e ntseng e phahama ea lipalangoang le ea bolulo. Lekang ho sebelisa mafelo-beke ’ohle mosebetsing oa puso ea Molimo ka hore le qete nako e ngata kamoo le ka khonang tšebeletsong. Liphutheho tse sa khoneng ho tšehetsa mosebetsi ona li ka lebisa tlhokomelo tšimong ea tsona e sebetsoang seoelo.

◼ KA KŌPO HLOKOMELANG: Ho na le liphetoho tse entsoeng likopanong tsa setereke tse latelang:

La 29 November–la 1 December:

Pietersburg (Sepedi; e hlakotsoe)

La 13-15 December:

Bloemfontein (Seafrikanse, Senyesemane; matsatsi a macha)

Johannesburg (Senyesemane 2, Puo ea Matsoho; ho ekelitsoe ka puo e ’ngoe)

Rundu (Kwangali; matsatsi a macha)

Walvis Bay (e hlakotsoe)

La 21-22 December:

Ongwediva (e hlakotsoe)

Oshakati (Sekwanyama; kopano e ncha)

La 27-29 December:

Potgietersrus (Sepedi; matsatsi a macha le sebaka se secha)

◼ Tsoha! ea Seurdu ha e sa tla hatisoa khoeli le khoeli e se e tla hatisoa hang ka likhoeli tse tharo, ho qala ka tokollo ea April-June 2002.

◼ Lik’hasete Tse Ncha Tsa Video Tse Fumanehang:

The Greatest Man Who Ever Lived—On Videocassette, Moqolo 8—Puo ea Matsoho ea Amerika