Litaba Tsa Puso ea Molimo

◼ Re thabela ho tsebisa hore ho nehetsoe Liholo Tsa ’Muso tse ling tse robeli tsa liphutheho tse latelang: Bronkhorstspruit North, Mandela Park (Cape Town), Lusikisiki East, Fort Beaufort Central, Folweni West, Whittlesea le Colenso. Likomiti Tsa Kaho Tsa Libaka li laola lenaneo la kaho le tokiso ea Liholo tsa rōna Tsa ’Muso ka katleho e khōlō. Rea le leboha ka ho tšehetsa likomiti tsena mosebetsing oa tsona.

◼ Phutuho ea tšimo e sa abuoang Afrika Boroa ho tloha ka August ho ea ho October e ile ea atleha haholo. Jehova o ile a hlohonolofatsa boiteko ba bahoeletsi ba 10 040 ba ileng ba kopanela phutuhong ea 2004. Mosebetsi oa bona o ile oa fella ka hore batho ba thahasellang ba abeloe libuka tse 4 149, libukana tse 38 179 le limakasine tse 58 490. Ba ile ba qeta lihora tse 84 331, ba etsa maeto a ho boela a 7 388 ’me ba khanna lithuto tsa Bibele tse 74.

Bo-pula-maliboho ba khethehileng ba nakoana ba 26 ba ileng ba sebetsa tšimo e sa abuoang nakong eona eo ba bile le nako e monate. Ba qetile lihora tse 10 693, ba tsamaisa libuka tse 661, libukana tse 2 688, limakasine tse 3 508, ba etsa maeto a ho boela a 3 793 ’me ba khanna lithuto tsa Bibele tse 553. Re leboha bohle ba ileng ba kopanela phutuhong ena ’me re ananela moea oa lōna oa boitelo.