Litsebiso

◼ December: Motho e Moholo ka ho Fetisisa ea Kileng a Phela. January: Buka efe kapa efe e hatisitsoeng pele ho 1991 eo phutheho e nang le eona setokong. Haeba le se na tsona setokong, ka kōpo botsang liphutheho tse haufi hore na ha li na libuka tse ngata tsa khale setokong tseo le ka li sebelisang. Liphutheho tse se nang libuka tsa khale li ka tsamaisa bukana ea Le Lule le Lebetse! February: Atamela ho Jehova.

◼ Ka kōpo hlokomelang hore Sehopotso sa selemo sa 2007 se tla ba ka Mantaha oa la 2 April, ka mor’a hore letsatsi le likele. Tsebiso ena e etsoa esale pele e le hore barab’abo rōna ba ka etsa litokisetso tse hlokahalang kapa ba hira liholo tse ka fumanehang moo liphutheho tse ngata li sebelisang Holo ea ’Muso e le ’ngoe. Maemong a joalo, baholo ba lokela ho etsa litokisetso le baokameli ba sebaka e le hore ho se ke ha e-ba le litšitiso ka lebaka la lintho tse ling tse ka etsoang ka har’a mohaho hore mokete oa Sehopotso o tsoele pele ka khotso le ka mokhoa o hlophisehileng.

◼ Ka lebaka la bohlokoa ba Sehopotso, sehlopha sa baholo se lokela ho khetha e mong oa baholo ba tšoanelehang hore a fane ka puo ho e-na le hore ba lule ba chenchana kapa ba sebelisa mor’abo rōna a le mong selemo se seng le se seng. Haeba ho e-na le moholo oa motlotsuoa ea ka tšoanelehang ho fana ka puo ena, o lokela ho khethoa hore a fane ka eona.