Litsebiso

◼ Lingoliloeng tse tsamaisoang ka December: Ha e le Hantle ke Eng Seo Bibele e se Rutang? kapa lipampitšana leha e le life tseo phutheho e nang le tsona setokong. Liphutheho tse nang le lipampitšana tsa khale li lokela ho ikitlaelletsa ho li tsamaisa ’me li se ke tsa li boloka setokong. January le February: Tsamaisa e ’ngoe ea libukana tsena tse maqephe a 32: Litaba Tse Molemo Tse Tsoang ho Molimo!, Mamela Molimo ’me U Phele ka ho sa Feleng, Na U Fumane Tsela e Isang Bophelong bo sa Feleng? March le April: Limakasine tsa Molula-Qhooa le Tsoha!

◼ Sehopotso sa 2016 se tla ba ka Laboraro la la 23 March, 2016.

◼ Ho tloha ka la 1 January, 2015, tokisetso ea hore Moqebelo o mong le o mong oa pele oa khoeli liphutheho li qale lithuto tsa Bibele e tla khaotsa. Ho e-na le hoo, bahoeletsi ba ka ’na ba fana ka limakasine ka Moqebelo joalokaha ba tloaetse. Lithuto tsa Bibele li ka ’na tsa qalisoa ka letsatsi leha e le lefe la khoeli ho sebelisoa limakasine kapa lingoliloeng tseo ho qalisoang lithuto ka tsona.