Karolo 5
Molimo o Hlohonolofatsa Abrahama le Lelapa la Hae
Litloholo tsa Abrahama li rua haholo. Molimo o sireletsa Josefa ha a le Egepeta
MOLIMO o ne a tseba hore ka letsatsi le leng Mora oa hae eo a mo ratang haholo o ne a tla tlameha ho utloa bohloko ’me a shoe. Boprofeta bo ho Genese 3:15 bo ile ba bolela ’nete ena ka tsela e sa tobang. Na Molimo o ne a ka etsa hore batho ba utloisise hore o ne a tla tela motho oa bohlokoa hakae? Molimo o ile a bontša sena ha a re Abrahama a etse sehlabelo ka mora oa hae ea ratoang Isaka.
Abrahama o ne a e-na le tumelo e matla. Hopola hore Molimo o ne a mo tšepisitse hore Molopolli ea profetiloeng, kapa Peō, o ne a tla tsoa lelokong la Isaka. Kaha Abrahama o ne a e-na le tšepo ea hore Molimo o tla tsosa Isaka bafung haeba ho hlokahala, o ile a mamela ’me a ikemisetsa ho etsa mora oa hae sehlabelo. Empa lengeloi la Molimo le ile la thiba Abrahama pele a etsa seo. Molimo o ile a babatsa Abrahama kaha o ne a ikemiselitse ho etsa sehlabelo ka motho eo a neng a mo nka e le oa bohlokoa ka ho fetisisa, ’me a boela a bolella monna eo ea tšepahalang lintho tseo a neng a mo tšepisitse tsona pele.
Hamorao Isaka o ile a ba le bara ba babeli, e leng Esau le Jakobo. Jakobo o ne a sa tšoane le Esau kaha eena o ne a ananela lintho tsa moea, ka lebaka leo o ile a putsoa. Molimo o ile a fetola lebitso la Jakobo a re ke Iseraele, ’me bara ba hae ba 12 ea e-ba lihlooho tsa meloko ea Iseraele. Empa ho tlile joang hore lelapa leo e be sechaba se seholo?
Ho ile ha etsahala lintho tse ngata ha ba bang ba bara bao ba honohela moen’a bona Josefa. Ba ile ba mo rekisa hore e be lekhoba, ’me a isoa Egepeta. Empa Molimo o ile a hlohonolofatsa mohlankana eo ea tšepahalang ea bileng a leng sebete. Ho sa tsotellehe mathata a ileng a hlahela Josefa, qetellong ’musi oa Egepeta e leng Faro o ile a mo fa boikarabelo bo boholo. Sena se etsahetse ka nako e ntle, hobane tlala e ile ea etsa hore Jakobo a rome ba bang ba bara ba hae Egepeta ho ea reka lijo, ’me Josefa ke eena ea neng a ikarabella ka ho aba lijo tsohle! E bile ntho e sa lebelloang le e amang maikutlo ha Josefa a kopana le barab’abo ba bakileng. O ile a ba tšoarela a ba a lokisetsa hore lelapa lohle le fallele Egepeta. Ba ile ba fuoa naha e ntlehali, moo ba neng ba ka tsoela pele ho ata le ho rua haholo. Josefa o ile a utloisisa hore Molimo ke eena ea entseng hore ho be joalo e le hore a phethe litšepiso tsa Hae.
Jakobo ea hōlileng o ile a lula Egepeta hammoho le lelapa la hae le leholo ho fihlela a shoa. Ha a le liphateng tsa lefu, o ile a bolela hore Peō e tšepisitsoeng, kapa Molopolli, e ne e tla ba ’Musi ea matla ea neng a tla hlaha lelokong la mora oa hae Juda. Lilemo hamorao pele Josefa a e-shoa, o ile a profeta hore ka letsatsi le leng Molimo o tla ntša lelapa la Jakobo Egepeta.
—E thehiloe ho Genese khaolo ea 20 ho ea ho 50; Baheberu 11:17-22.
◼ Molimo o ile a laela Abrahama hore a etse’ng, ’me seo se ile sa etsa hore batho ba utloisise eng?
◼ Ho tlile joang hore Josefa a be Egepeta, ’me ho ile ha etsahala’ng ka mor’a moo?
◼ Jakobo o ile a profeta eng pele a e-shoa?
[Chate e leqepheng la 8]
● Genese
Exoda
Levitike
Numere
Deuteronoma
Joshua
Baahloli
Ruthe
1 Samuele
2 Samuele
1 Marena
2 Marena
1 Likronike
2 Likronike
Esdrase
Nehemia
Esthere
Jobo
Lipesaleme
Liproverbia
Moeklesia
Sefela sa Lifela
Esaia
Jeremia
Lillo Tsa Jeremia
Ezekiele
Daniele
Hosea
Joele
Amose
Obadia
Jonase
Mikea
Nahume
Habakuke
Sofonia
Hagai
Zakaria
Malakia
Matheu
Mareka
Luka
Johanne
Liketso
Baroma
1 Bakorinthe
2 Bakorinthe
Bagalata
Baefese
Bafilipi
Bakolose
1 Bathesalonika
2 Bathesalonika
1 Timothea
2 Timothea
Tite
Filemone
Baheberu
Jakobo
1 Petrose
2 Petrose
1 Johanne
2 Johanne
3 Johanne
Juda
Tšenolo