Seboka sa Selemo le Selemo—October 7, 1989

SEBOKA SA SELEMO LE SELEMO sa litho tsa Watch Tower Bible and Tract Society of Pennsylvania se tla tšoaroa ka la 7 October, 1989, Holong ea Likopano ea Lipaki tsa Jehova, 2932 Kennedy Boulevard, Jersey City, New Jersey. Seboka se qalang sa litho feela se tla tšoaroa ka 9:30 hoseng, se lateloe ke seboka se akaretsang sa selemo le selemo ka 10:00 hoseng.

Litho tsa Mokhatlo li lokela ho tsebisa Ofisi ea Mongoli hona joale ka phetoho leha e le efe ea liaterese tsa tsona tsa poso e bileng teng selemong se fetileng e le hore mangolo a tloaelehileng a tsebiso le liforomo tsa litho li ka fihla ho tsona kapele ka mor’a la 15 August.

Liforomo tsa litho, tse tlang ho romelloa litho hammoho le tsebiso ea seboka sa selemo, li lokela ho khutlisoa e le hore li fihle Ofising ea Mongoli oa Mokhatlo pele ho la 1 September. Setho ka seng se lokela ho tlatsa le ho khutlisa foromo ea sona kapele, se bolele hore na se tla ba teng ka seqo sebokeng kapa che. Boitsebiso bo fanoeng foromong ea setho ka seng e lokela ho ba bo tobileng ntlheng ena, kaha ho tla be ho itšetlehiloe ka bona ha ho etsoa qeto ea hore na ke bo-mang ba tla ba teng ka seqo.

Ho lebelletsoe hore lenaneo lohle, ho akarelletsa seboka sa molao sa lichelete le litlaleho, le tla fela ka 1:00 motšehare oa mantsiboea kapa kapele ka mor’a moo. Ho ke ke ha e-ba le lenaneo la motšehare oa mantsiboea. Ka baka la sebaka se fokolang, ho tla kenoa ka litekete feela. Ho ke ke ha etsoa litokisetso tsa ho hokahanya seboka sa selemo le selemo le libaka tse ling ka mehala.