Seboka sa Selemo le Selemo ka la 7 October, 2000

SEBOKA SA SELEMO LE SELEMO sa litho tsa Watch Tower Bible and Tract Society of Pennsylvania se tla tšoaroa ka la 7 October, 2000, Holong ea Kopano ea Lipaki tsa Jehova e 2932 Kennedy Boulevard, Jersey City, New Jersey. Seboka sa pele sa litho feela se tla tšoaroa ka 9:15 hoseng, se lateloe ke seboka se akaretsang sa selemo le selemo ka 10:00 hoseng.

Litho tsa mokhatlo li lokela ho tsebisa Ofisi ea Mongoli hona joale ka phetoho leha e le efe ea liaterese tsa tsona tsa poso e bileng teng selemong se fetileng e le hore mangolo a tloaelehileng a tsebiso le liforomo tsa ho vouta li ka fihla ho tsona ka July.

Liforomo tsa ho vouta, tse tla romelloa litho, hammoho le tsebiso ea seboka sa selemo le selemo, li lokela ho khutlisoa e le hore li fihle Ofising ea Mongoli oa Mokhatlo pele ho la 1 August. Setho ka seng se lokela ho tlatsa foromo ea sona ea ho vouta le ho e khutlisa kapele, se bolele hore na se tla ba teng ka seqo sebokeng seo kapa che. Boitsebiso bo fanoeng foromong ka ’ngoe ea ho vouta e lokela ho ba bo tobileng ntlheng ena, kaha ho tla be ho itšetlehiloe ka bona ha ho etsoa qeto ea hore na ke bo-mang ba tla ba teng ka seqo.

Ho lebeletsoe hore lenaneo lohle, ho akarelletsa le seboka sa khoebo se etsoang ho latela molao le litlaleho, le tla phethoa ka 1:00 motšehare oa mantsiboea kapa kapele ka mor’a moo. Ho ke ke ha e-ba le lenaneo la motšehare oa mantsiboea. Ka lebaka la sebaka se fokolang, ho tla kenoa ka litekete feela. Ho ke ke ha etsoa litokisetso tsa ho hokahanya seboka sena sa selemo le selemo le liholo tse ling ka thelefono.