Ntlafatsa Bokhoni Ba Hao Boboleling—Lokisetsa Potso eo U Tla e Araba Leetong la ho Boela

KE HOBANE’NG HA E LE HABOHLOKOA?

Re batla ho nosetsa peō ea ’nete eo re e jalang. (1Ko 3:6) Ha re fumana motho ea thahasellang molaetsa oa rōna, ke hantle hore re botse potso eo re tla e araba ha re khutla nakong e tlang. Sena se tla etsa hore a labalabele ho mamela nakong e tlang ’me se tla re thusa hore re lokisetse hantle leeto la ho boela. Ha re khutla, re ka mo bolella hore re tl’o araba potso eo re ileng ra e botsa nakong e fetileng.

RE KA HO ETSA JOANG?

• Ha u lokisetsa seo u tla se bua le batho mosebetsing oa ntlo le ntlo, lokisetsa le potso eo u tla e araba nakong e tlang. E ka ’na ea e-ba potso e tla arajoa ke sengoliloeng seo u se tsamaisang. Kapa e ka ’na ea e-ba potso e arajoang ke sengoliloeng seo re ithutang le batho ka sona seo u batlang ho se fa mong’a ntlo ha u khutlela ho eena.

• Ha u buisana le motho ea thahasellang molaetsa, mo bolelle hore u ka rata ho buisana le eena hape ebe u mo botsa potso eo u tla e araba nakong e tlang. Ngola lebitso la hae le aterese haeba ho khoneha.

• Haeba u mo bolella hore u tla khutlela ho eena ka nako e itseng, etsa bonnete ba hore ua khutla.—Mat 5:37.