Naletsana

a Ho supiloe lipolelong tsa moapostola tse ho Ba-Roma 1:24-27 mabapi le ‘ho etsa ka tlhaho ha’ ’mele e metona le e metšehali. Joalokaha ho totobetse le joale kaha ho ’nile ha lumeloa nako le nako, lipolelo tsena li entsoe litemaneng tse potolohileng taba e buang ka bosodoma ba banna le ba basali. Ha li supe ka ho toba mekhoeng ea botona le botšehali e etsoang ke monna le mosali. Hape ho lumeloe hore le tsona lipontšo tseo tsa lerato tse loketseng le tse tloaelehileng ho hang pakeng tsa monna le mosali e ka ba tseo ‘e seng tsa tlhaho’ pakeng tsa batho ba batona feela kapa ba batšehali feela ea ba ea e-ba tsa boitšoaro bo bobe ho batho ba seng lenyalong. Tataiso leha e le efe eo lipolelo tsena tsa boapostola li fanang ka eona mabapi le mekhoa ea botona le botšehali lenyalong, ka baka leo, ha e-ea toba ’me e ka talingoa feela e le e khothalletsang e seng e etsang qeto, ke hore, e se mothèo oa ho bea melao e thata le e tiileng bakeng sa kahlolo. Hape monyetla o teng ’me mohlomong hape ho ka ’na ha etsahala hore mekhoa e meng ea botona le botšehali e etsoang ke monna le mosali hona joale tšimolohong e ne e sebelisoa feela ke basodoma ba banna le ba basali. Haeba ho ka ba joalo, joale ka sebele hona ho ka etsa hore mekhoa ena bonyane e be e sa lumelleheng boitšoarong. Ka hona taba ena e ke ke ea qheloa feela habobebe ke Mokreste ea nang le letsoalo le pholileng feela hobane hose letho le tobileng le supang ho batho ba lenyalong le hlahang litemaneng tse boletsoeng.