Naletsana
b Ho hlokomelehile hore Webster’s New Collegiate Dictionary e re nea hlaloso ea eona ea pele ea “Bohlola”; “Likamano tsa botona le botšehali tseo motho a li etsang le eo e seng molekane oa hae.” ’Me ha e hlalosa “likamano tsa botona le botšehali” (bohlola, ho kenya setho sa botona kapa botšehali ka morao, ka hanong) e bolela hore hona ho tla kopanyelletsa “litho tsa sephiring tsa bonyane motho a le mong.” Ka hona lentsoe la Senyesemane “fornication” ke phetolelo e nepahetseng ea lentsoe la Segerike porneia.
The New International Dictionary of New Testament Theology e bolela hore, ka mohlala, porneia e bolela “litšila, bootsoa, botekatsi, bohlola.” Hape e re: “Lentsoe (porneia) le ka hlalosa likamano tsa botona le botšehali tse sa amoheloeng sechabeng kapa mekhoeng ea bolumeli (ka mohlala, bosodoma, likamano tsa botona le botšehali tse sa khetheng, ho kopanela likamano tsa botona le botšehali le bana, ’me haholo-holo botekatsi).” Ka baka leo, porneia e tla kopanyeletsa bofebe (Segerike, moikheia), ’me le ka koahela liketso tsa boitšoaro bo litšila tse etsoang kantle ho lenyalo, joalo ka ho kenyana litho tsa sephiring ka hanong kapa ka morao le ho robala le liphoofolo.
Khatiso ea 1979 e tummeng ea Greek-English Lexicon of the New Testament and Other Early Christian Literature (ka Bauer, Arndt le Gingrich) e hlalosa porneia e le “botekatsi, litšila, bohlola, ba mefuta eohle ba likamano tsa botona le botšehali tseo e seng tsa molao.”