Naletsana

a Mohlala o le mong, The Pentateuch and Haftorahs, e hlophisitsoeng ke Dr. J. Hertz, e hlokomela hore: “Ho latela Lev. XVII, 15, ho ama kapa ho ja nama ea nevelah ho silafatsa Moiseraele le ‘osele [molichaba ea jakileng].’ Ho Levitike “molichaba” e ne e le eo e seng Moiseraele empa a sokolohile ka ho feletseng, ger tzedek. Mona [ho Deuteronoma 14:21] ‘molichaba ea ahileng ha hao’ e bolela nako eo ka eona Iseraele e neng e tla be e ahile Naheng ea Pallo ea eona ’me har’a eona ho e-na le basokolohi hammoho le batho bao, le hoja ba tlohetse borapeli ba bona ba litšoantšo ba neng ba sa itjarisa ka ho feletseng bophelo le bolumeli ba Baiseraele. Bo-rabbi ba ne ba bitsa sehlopha sena sa baahi ba jakileng ger toshav: ’me [Deuteronoma 14:21] e bua ka sehlopha seo, bao e neng e se Baiseraele ka ho tsoaloa kapa hona ho ba basokolohi, ebile e se le ‘basele.’” Ha ho bapisoa, buka ena e hlalosa hore “molichaba” oa Levitike 17:15 e ne e le “ea sokolohileng ka ho feletseng . . . ho seng joalo, o ne a sa thibeloa ho e ja.”