Naletsana

a Le hoja ho bonahala eka mofosi oa Korinthe o ile a khutlisetsoa ka phuthehong ka mor’a nako e batlang e le khutšoanyane, sena ha sea lokela ho sebelisoa e le tekanyetso bakeng sa bohle ba khaoloang. Boemo ka bong bo fapane. Bafosi ba bang ba qala ho bontša pako ea sebele hoo e ka bang hang-hang ka mor’a ho lelekoa. Athe ho ba bang, ho nka nako e teletsana pele boikutlo bo joalo bo ka bonahala. Leha ho le joalo, maemong ’ohle ba khutlisetsoang ka phuthehong ba tlameha ho bontša bopaki ba tšoabo ea bomolimo pele, ’me moo ho khonehang, ba tlameha ho bonahatsa mesebetsi e tšoanelang pako.—Liketso 26:20; 2 Bakorinthe 7:11.