-
Jehova o Tšollela Khalefo Holim’a LichabaBoprofeta ba Esaia—Leseli Molokong oa Batho I
-
-
16, 17. Edomo e tla fetoha eng, hona e tla lula e le boemong boo halelele hakae?
16 Boprofeta ba Esaia bo tsoela pele, bo bolela esale pele hore baahi ba Edomo ba tla nkeloa sebaka ke liphoofolo tse hlaha, e leng ho bontšang hore e tla fetoha lesupi: “E tla omella ho tloha molokong o mong ho ea ho o mong; ho ke ke ha e-ba le ea fetang ho eona ka ho sa feleng le kamehla. Letata le jang litlhapi le nōkō li tla lula ho eona, ’me bo-makhohlo le makhoaba a tla lula ho eona; o tla otlolla khoele ea ho lekanya ea lefeela le majoe a lesupi holim’a eona. Bahlomphehi ba eona—ha ho ba ka bitsetsoang boreneng, ’me likhosana tsohle tsa eona li tla fetoha lefeela. Meutloa e tla hlaha litoreng tsa eona tsa bolulo, bobatsi le litlama-tlama tse meutloa li hlahe libakeng tsa eona tse etselitsoeng liqhobosheane; ’me e tla fetoha sebaka sa bolulo sa liphokojoe, lebala la limpshe. Baahi ba libaka tse se nang metsi ba tla teana le liphoofolo tse llang, esita le modemona ea nang le sebōpeho sa pōli o tla bitsa mphato oa hae. E, ka sebele semanama se tla lula ka boiketlo ’me se iphumanele sebaka sa phomolo moo. Noha e tlōlang e entse selao sa eona ’me e behela mahe teng.”—Esaia 34:10b-15.a
17 E, Edomo e tla ba lefeella. E tla ba lefeella leo ho lona ho lulang liphoofolo tse hlaha, linonyana le linoha feela. E, boemo bona ba komello naheng bo tla tsoela pele “ka ho sa feleng le kamehla,” joalokaha temana ea 10 e bolela. Ha e na ho tsosolosoa.—Obadia 18.
-
-
Jehova o Tšollela Khalefo Holim’a LichabaBoprofeta ba Esaia—Leseli Molokong oa Batho I
-
-
a Mehleng ea Malakia boprofeta bona bo ne bo se bo phethahetse. (Malakia 1:3) Malakia o tlaleha hore Baedomo ba ne ba tšepile hore ba tla boela ba rue naha ea bona e entsoeng lesupi. (Malakia 1:4) Leha ho le joalo, ena e ne e se thato ea Jehova, ’me hamorao batho ba bang, Banabataea, ba ile ba nka naha eo e neng e le ea Edomo.
-