9. Mopesaleme o lekanya lilemo tse sekete tsa ho phela ha motho le eng?

⁹ Mopesaleme o ile a bululeloa hore a lekanye lilemo tse sekete tsa ho phela ha motho le nako e khutšoanyane haholo ho ’Mōpi oa ka ho sa feleng. Ha a bua le Molimo, o ile a ngola: “U khutlisetsa motho ea shoang nthong e silakantsoeng, u re: ‘Khutlang, lōna bara ba batho.’ Etsoe lilemo tse sekete mahlong a hao li feela joaloka letsatsi la maobane ha le fetile, le joaloka tebelo ea bosiu.”—Pesaleme ea 90:3, 4.

11. Ke hobane’ng ha re ka re nako e telele ho rōna e khutšoanyane haholo ho Molimo?

¹¹ Ponong ea Jehova, le eena Methusela ea lilemo li 969 o phetse nako e ka tlaase ho letsatsi le le leng. (Genese 5:27) Ho Molimo lilemo tse sekete li tšoana le letsatsi la maobane—e leng nako ea lihora tse 24 feela—ha le fetile. Mopesaleme o boetse o bolela hore ho Molimo lilemo tse sekete li tšoana le lihora tse ’nè tsa molebeli nakong ea bosiu liahelong. (Baahloli 7:19) Joale, ho hlakile hore nako e telele ho rōna e khutšoanyane haholo ho Jehova, Molimo oa ka ho sa feleng.