-
Jehova ke Molimo ea Joang?U ka Thaba ka ho sa Feleng!—Lenaneo la ho Ithuta Bibele
-
-
2. A mang a makhabane a Jehova ke afe?
Le hoja Jehova a sa bonahale, o teng ’me o na le makhabane ao batho ba mo tsebang ba a ratang. Bibele e re: “Jehova o rata toka, a ke ke a tlohela ba tšepahalang ba hae.” (Pesaleme ea 37:28) E boetse e re “o na le lerato le mofuthu haholo ’me o mohau,” haholo-holo ho batho ba hlorisoang. (Jakobo 5:11) “Jehova o haufi le ba lipelo li robehileng, o pholosa ba sithabetseng moeeng.” (Pesaleme ea 34:18) Na u ne u tseba hore lintho tseo re li etsang li ka thabisa Jehova kapa tsa mo utloisa bohloko? Motho ea khethang ho etsa lintho tse fosahetseng o soabisa Jehova ebile o mo utloisa bohloko. (Pesaleme ea 78:40, 41) Empa motho ea khethang ho etsa lintho tse nepahetseng o thabisa Jehova.—Bala Liproverbia 27:11.
-
-
Re ka Bontša Jehova Joang Hore Rea mo Rata?U ka Thaba ka ho sa Feleng!—Lenaneo la ho Ithuta Bibele
-
-
Re ka Bontša Jehova Joang Hore Rea mo Rata?
Na u ikutloa u le haufi le Molimo ho feta ha u ne u qala ho ithuta Bibele? Na u ka rata hore setsoalle sa hao le eena se ’ne se tiee le ho feta? Haeba ho joalo, hopola hore ha Jehova a bona u ntse u mo rata le ho feta, o tla u rata a be a u hlokomele le ho feta. U ka mo bontša joang hore oa mo rata?
1. Re ka bontša Jehova joang hore rea mo rata?
Re ka bontša hore re rata Jehova ka ho mo mamela. (Bala 1 Johanne 5:3.) Ha a qobelle mang kapa mang hore a mo mamele. Ho fapana le hoo, o fa e mong le e mong oa rona monyetla oa hore a ikhethele hore na o tla mo mamela kapa che. Hobane’ng? Hobane Jehova o batla hore re mo mamele “ho tloha pelong.” (Baroma 6:17) Sena se bolela hore o batla hore u mo mamele hobane u mo rata, eseng hobane u tlamehile. Karolo ea 3 le ea 4 tsa buka ena li etselitsoe ho u thusa ho bona hore u ka bontša hore u rata Jehova ka ho etsa lintho tse mo thabisang le ho qoba ho etsa lintho tse ka mo koatisang.
2. Ke hobane’ng ha ho ka ’na ha e-ba thata ho bontša hore re rata Jehova?
“Litlokotsi tsa ea lokileng li ngata.” (Pesaleme ea 34:19) Kaofela ha rona ha rea phethahala hape re ka ’na ra ba le mathata a lichelete, ra tšoaroa hampe kapa ra ba le mathata a mang. Ha re e-na le mathata, re ka ’na ra utloa ho le thata ho etsa seo Jehova a se batlang. Lebaka ke hore ho ka ’na ha e-ba bonolo ho etsa se fosahetseng ho e-na le ho khahlisa Jehova. Haeba u tšepahalla Jehova ka ho etsa lintho tseo a reng u li etse, u tla be u bontša hore u mo rata ho feta ntho leha e le efe hape u tla be u bontša hore oa mo tšepahalla. Kahoo, le eena o tla u tšepahalla. A ke ke a u lahla le ka mohla.—Bala Pesaleme ea 4:3.
ITHUTE LINTLHA TSE LING
Ithute hore na ke hobane’ng ha Jehova a tsotella hore na oa mo mamela kapa che le hore na u ka thusoa ke’ng hore u lule u mo tšepahalla.
3. Qoso e u amang
Ho ea ka buka ea Jobo, Satane o qositse Jobo hammoho le bohle ba batlang ho sebeletsa Jehova. Bala Jobo 1:1, 6–2:10 ebe le buisana ka lipotso tsena:
Ho ea ka Satane, ke hobane’ng ha Jobo a ne a mamela Jehova? (Sheba Jobo 1:9-11.)
Satane o qositse batho bohle ka eng? (Sheba Jobo 2:4.)
Bala Jobo 27:5b ebe le buisana ka potso ena:
Jobo o ile a bontša joang hore o rata Jehova e le kannete?
Jobo o ile a bontša hore o rata Jehova ka ho lula a mo tšepahalla
Re ka bontša hore re rata Jehova ka ho lula re mo tšepahalla
4. Thabisa pelo ea Jehova
Bala Liproverbia 27:11 ebe le buisana ka lipotso tsena:
Jehova o ikutloa joang ha u le bohlale ebile u mo mamela? Ke hobane’ng ha a ikutloa joalo?
5. U ka khona ho tšepahalla Jehova
Tsela eo re ratang Jehova ka eona e re susumeletsa hore re bolelle batho ba bang ka eena. Kaha rea mo tšepahalla, re etsa joalo leha ho le thata. Bapala VIDEO ebe le buisana ka lipotso tse latelang:
Na u ee u utloe ho le thata ho bolella batho ba bang ka Jehova?
Videong ee, ke eng e thusitseng ntate Grayson hore a be sebete?
Ho bonolo ho tšepahalla Jehova ha re rata lintho tseo a li ratang re bile re hloile tseo a li hloileng. Bala Pesaleme ea 97:10 ebe le buisana ka lipotso tsena:
Ho latela seo u ithutileng sona, Jehova o rata’ng? Tse ling tsa lintho tseo a li hloileng ke life?
U ka etsa’ng hore u rate se setle, u hloee se sebe?
6. Ho mamela Jehova ho re tsoela molemo
Ho mamela Jehova ho molemo kamehla. Bala Esaia 48:17, 18 ebe le buisana ka lipotso tsena:
Na u nahana hore Jehova o lula a tseba lintho tse ka re tsoelang molemo? Ke hobane’ng ha u cho joalo?
U fumane melemo efe ka ho ithuta ka Molimo oa ’nete Jehova le ka ho ithuta Bibele?
BATHO BA BANG BA RE: “Molimo ha a tsotelle hore na ke etsa’ng.”
U ka sebelisa lengolo lefe ho bontša hore lintho tseo re li etsang li ama maikutlo a Jehova?
KAKARETSO
Re ka bontša hore re rata Jehova ka ho mo mamela le ho mo tšepahalla leha ho le thata.
Re Ithutile’ng?
U ithutile’ng mohlaleng oa Jobo?
U tl’o bontša joang hore u rata Jehova?
U tla thusoa ke’ng hore u lule u tšepahalla Jehova?
BATLA
Bona hore na u ka etsa’ng hore u tšepahalle Jehova le phutheho ea hae.
Ithute haholoanyane ka seo Satane a qosang batho ka sona.
“Jobo o Lula a Tšepahala” (Bibele—E na le Molaetsa Ofe? Karolo ea 6)
Bona kamoo bana le bona ba ka bontšang hore ba rata Jehova.
Bacha ba ka lula ba tšepahalla Jehova joang leha lithaka tsa bona li ba hatella?
-