• Poloko le Thabo Tlas’a Puso ea Mesia
    Boprofeta ba Esaia—Leseli Molokong oa Batho I

    •  6. Ho profetiloe hore Mesia e tla ba ’musi oa mofuta ofe?

      6 Mesia e tla ba ’musi oa mofuta ofe? Na o tla tšoana le Moassyria ea sehlōhō oa sengangele ea timetsang ’muso oa Iseraele oa meloko e leshome o ka leboea? Le hanyenyane. Mabapi le Mesia, Esaia o re: “Moea oa Jehova o tla lula holim’a hae, moea oa bohlale le oa kutloisiso, moea oa keletso le oa matla, moea oa tsebo le oa ho tšaba Jehova; ’me o tla thabela ho tšaba Jehova.” (Esaia 11:2, 3a) Mesia ha a tlotsoe ka oli, empa o tlotsoa ka moea o halalelang oa Molimo. Sena se etsahala ha Jesu a kolobetsoa, ha Johanne Mokolobetsi a bona moea o halalelang oa Molimo o theohela ho Jesu ka sebōpeho sa leeba. (Luka 3:22) Moea oa Jehova o “lula holim’a” Jesu, ’me o paka sena ha a itšoara ka bohlale, kutloisiso, keletso, matla le tsebo. Ke litšobotsi tse babatsehang hakaakang bakeng sa ’musi!

  • Poloko le Thabo Tlas’a Puso ea Mesia
    Boprofeta ba Esaia—Leseli Molokong oa Batho I

    •  8. Jesu o fumana thabo joang tšabong ea Jehova?

      8 Tšabo ea Jehova eo Mesia a e bontšang ke eng? Ka sebele Jesu ha a tšosoe ke Molimo, ha a tšohe hore o tla mo ahlola hampe. Ho e-na le hoo, Mesia o na le tšabo e nang le tlhompho ho Molimo, o na le tlhompho e tletseng lerato bakeng sa hae. Motho ea tšabang Molimo o lakatsa ho “etsa lintho tse mo khahlisang” kamehla, joalokaha Jesu a etsa. (Johanne 8:29) Ka mantsoe le liketso, Jesu o ruta hore ha ho na thabo e khōloanyane ho feta ea ho tsamaea tšabong e hahang ea Jehova letsatsi le leng le le leng.

      Moahloli ea Lokileng le ea Mohau

       9. Jesu o fana ka mohlala ofe ho ba khetheloang ho ahlola linyeoe ka phuthehong ea Bokreste?

      9 Esaia o bolela esale pele litšobotsi tse ling tse eketsehileng tsa Mesia: “A ke ke a ahlola ka se bonahalang mahlong a hae, kapa a khalemela feela ho ea ka ntho e utloiloeng ke litsebe tsa hae.” (Esaia 11:3b) Haeba u ne u lokela ho hlaha ka pel’a lekhotla la molao, na u ne u ke ke ua thabela ho ba le moahloli ea joalo? Boemong ba hae e le Moahloli oa moloko oohle oa batho, Mesia ha a laoloe ke likhang tsa bohata, maqiti a sebelisoang ka makhotleng, litaba tsa bo-ba-re, kapa lintlha tse kang ponahalo ea ka ntle feela, tse kang borui. O bona thetso ’me o talima ka nģ’ane ho ponahalo ea ka ntle e sa ipiletseng, o hlokomela “motho ea ka sephiring oa pelo,” “motho ea patehileng.” (1 Petrose 3:4, NW, mongolo o botlaaseng ba leqephe) Mohlala o tsotehang oa Jesu o sebeletsa e le mohlala ho bohle ba khetheloang ho ahlola linyeoe ka phuthehong ea Bokreste.—1 Bakorinthe 6:1-4.