17, 18. Ke joang Jehova a fetohileng moqhaka o khabisang le moqhaka oa botle ho batho ba hae?

¹⁷ Moprofeta Esaia o hlalosa boemo ba thabo ba ba emang ka lehlakoreng la borapeli bo hloekileng. O re: “Tsatsing leo, Jehova oa makhotla e tla ba eena moqhaka oa mokhabo, le moqhaka o khanyang ho masala a sechaba sa hae, e be eena moea oa kahlolo ho ea lutseng ho ahlola, le matla a ba lelekisang lira ho isa likhorong tsa motse oa tsona.”—Esaia 28:5, 6.

19. Ke mang ea lutseng hore a ahlole, ’me ke joang Jehova o fetohileng moea oa toka ho eena?

¹⁹ Jehova o fetohile “moea oa kahlolo” ho Jesu, “ea lutseng ho ahlola.” Ha Jesu a sa le lefatšeng, o ile a hana ho hlōloa ke moea o tahang oa ho etsa lilekane le lefatše. Kajeno, joaloka Morena oa Jehova ea behiloeng teroneng, o tletse moea o halalelang, o mo tataisang hore a etse liqeto tse leka-lekaneng, le tse bohlale. Boprofeta bona bo phethahetse ho Jesu: “Moea oa Jehova o tla lula holim’a hae, moea oa bohlale le oa kelello, moea oa keletso le oa matla, moea oa ho tseba le oa ho tšaba Jehova.” (Esaia 11:2) Ka sebele, a sebelisa Jesu, Jehova o tla etsa hore ‘toka e be khoèlè e lekanyang, ho loka e be khoèlè e otlollang.’ (Esaia 28:17, BPN) Ha lira tse tahiloeng moeeng li tla be li aparetsoe ke timetso, toka e tla etsoa lebitsong le halalelang la Jehova le bobusing ba bokahohle.