12. Ke eng e tšepisitsoeng ka letsatsi le tšabehang la Jehova?

¹² Letsatsi le leholo le le tšabehang la Jehova (4:1-6). Lena ke letsatsi le tlang le tla qeta ba khopo, le sa siee motso leha e le lekala. Empa letsatsi la ho loka le tla chabela ba tšabang lebitso la Jehova, ’me ba tla folisoa. Jehova o ba eletsa hore ba hopole Molao oa Moshe. Pele ho letsatsi la hae le leholo le le tšabehang, Jehova o tšepisa ho romela moprofeta Elia. “O tla busetsa lipelo tsa bo-ntate ho bara ba bona, le pelo tsa bara ho bo-ntat’a bona, hore ke se tšohe ke e-tla, ’me ka otla lefatše ka ho le timeletsa.”—4:6.

15. “Elia” oa boprofeta ba Malakia ke mang?

¹⁵ Joale, ho Malakia 4:5, 6, Jehova o tšepisitse: “Bonang, ke ea le romela moprofeta Elia.” “Elia” eo ke mang? Jesu le lengeloi ba hlahileng ho Zakaria ka bobeli ba lebisa mantsoe ana ho Johanne Mokolobetsi, ba bontša hore e ne e le eena ea tla “busetsa tsohle” le ho ‘lokisetsa Jehova sechaba se hlekehileng hantle’ ho amohela Messia. Leha ho le joalo, Malakia le eena o bolela hore “Elia” ke selelekela sa ‘letsatsi le leholo le le tšabehang la Jehova,’ kahoo a bontša ho phethahala ho tlang ka letsatsi la kahlolo.—Matt. 17:11; Luka 1:17; Matt. 11:14; Mar. 9:12.