• Jesu o Araba ’Musi e Mocha Lilemong ea Ruileng
    Jesu ke Tsela le ’Nete le Bophelo

    • Jesu o eketsa ka ho re: “Empa ba bangata ba pele e tla ba ba ho qetela ’me ba ho qetela e be ba pele.” (Matheu 19:​30) O bolela’ng?

      Mohlankana enoa oa morui ke e mong oa ba “pele” kaha ke e mong oa baeta-pele ba Bajuda. Joaloka motho ea bolokang litaelo tsa Molimo, oa tšepisa ’me ho ka lebelloa ho hongata ho tsoa ho eena. Leha ho le joalo, o beha maruo le matlotlo ka pele ho ntho e ’ngoe le e ’ngoe bophelong. Ho fapana le hoo, batho ba tloaelehileng, ba bona ’nete le tsela e isang bophelong lithutong tseo Jesu a li rutang. Ka mantsoe a mang e ne e le ba ho “qetela,” empa hona tjena e e-ba ba “pele.” Ba ka lebella ka tjantjello ho lula literoneng leholimong le Jesu ba busa lefatše la Paradeise.