Ha Jesu a arabela, o re: “Na ha ba ka ba ntlafala ba le leshome na? Ba robileng mono o le mong ba kae na? Ha ba ka ba boea, ba tle ba tlotlise Molimo, ha e se motho enoa oa mofuta osele?”

Ha re bala ka ho phekola ha Jesu balepera ba leshome, re lokela ho nka ka ho teba thuto e fanoang ke potso ea hae: “Ba robileng mono o le mong ba kae na?” Ho hloka teboho ho bontšitsoeng ke ba robileng mono o le mong ke phoso e tebileng. Na rōna, joaloka Mosamaria, re tla bontša hore re na le teboho ka lintho tseo re li amohelang ho Molimo, ho akarelletsa le tšepiso e tiileng ea bophelo bo sa feleng lefatšeng le lecha la ho loka la Molimo? Johanne 11:54, 55; Luka 17:11-19; Levitike 13:16, 17, 45, 46; Tšenolo 21:3, 4.