• “E-ba Sebete!”
    Ho Fana ka “Bopaki bo Hlakileng ka ’Muso oa Molimo”

    • 10. Pauluse o ile a qosetsoa lintho life tse tebileng?

      10 Ha Pauluse a le Sesarea, o ne a ‘lebetsoe ka phaleising ea Heroda’ a letetse hore baqosi ba hae ba tsoang Jerusalema ba fihle. (Lik. 23:35) Moprista ea Phahameng Ananiase, ’muelli ea bitsoang Tertulase le sehlopha sa banna ba baholo ba ile ba tla ka mor’a matsatsi a mahlano. Tertulase o ile a qala ka ho rorisa Felixe ka seo a neng a se etsetsa Bajuda mohlomong e le hore a iqekisetse ho eena.b Joale ha Tertulase a kena tabeng o ile a re Pauluse ke ‘motho ea kotsi haholo e bile o hlohlelletsa Bajuda lefatšeng lohle hore ba fetohele ’muso. Ke moeta-pele oa lequloana la Banazaretha. O ile a ba a leka ho silafatsa tempele eaba baa mo tšoara.’ Bajuda ba bang ba ile ba “mo tlatsa, ba re lintho tsena ke ’nete.” (Lik. 24:5, 6, 9) Ho hlohlelletsa bofetoheli, ho etella pele lequloana le kotsi le ho silafatsa tempele e ne e le liqoso tse tebileng tse neng li ka etsa hore a ahloleloe lefu.

  • “E-ba Sebete!”
    Ho Fana ka “Bopaki bo Hlakileng ka ’Muso oa Molimo”

    • b Tertulase o ile a leboha Felixe ka hore e be sechaba se ‘phela ka khotso ka lebaka la hae.’ Leha ho le joalo, ’nete ke hore nakong eo Felixe e neng e le ’musisi Judea, ho ne ho e-na le lintoa tse ngata ho feta tse neng li le teng pusong ea babusisi ba tlileng pele ho eena ho fihlela nakong eo batho ba fetohelang ’muso oa Roma. Ntho e ’ngoe eo e neng e se ’nete ke taba ea hore Bajuda ba ne ba “ananela lintho tsena kaofela” tseo Felixe a li entseng. Ha e le hantle, Bajuda ba bangata ba ne ba sa rate Felixe ka lebaka la ho ba sulafalletsa bophelo le ho ba tšoara ka tsela e khopo ha ba ne ba fetohela ’muso.—Lik. 24:2, 3.