• Bibele e Ruta’ng ka Lenyalo le Bosoha?
    U ka Thaba ka ho sa Feleng!—Lenaneo la ho Ithuta Bibele

    • 5. Khetha molekane ka bohlale

      Ho khetha molekane ke e ’ngoe ea liqeto tsa bohlokoa tseo u ka li etsang. Bala Matheu 19:​4-6, 9 ebe le buisana ka potso ena:

      • Ke hobane’ng ha Mokreste a sa lokela ho potlakela ho kena lenyalong?

      Bibele e ka u thusa hore u khethe molekane ea nepahetseng. Ntho ea bohlokoa ke hore u batle molekane ea ratang Jehova.b Bala 1 Bakorinthe 7:​39 le 2 Bakorinthe 6:​14 ebe le buisana ka lipotso tsena:

      • Ke hobane’ng ha re lokela ho nyalana feela le Bakreste-’moho le rona?

      • Haeba u nyalana le motho ea sa rateng Jehova, u nahana hore Jehova o tla ikutloa joang?

      Poho e matla le tonki e nyenyane li thatafalloa ho jara joko.

      Haeba liphoofolo tse peli tse sa tšoaneng li panoa hammoho, li tla lemala. Ka tsela e tšoanang, Mokreste ea nyalanang le motho eo e seng Paki ea Jehova o tla ba le mathata a mangata