E le hore re ka utloisisa hore boemo ba Jesu bo phahame hakae, Bibele e mo hlalosa ka litlotla le mabitso a sa tšoaneng. Litlotla le mabitso ana a re thusa ho utloisisa melemo e mengata eo re e fumanang ka lebaka la seo Jesu a se entseng, seo a ntseng a se etsa, le seo a sa ntseng a tla se etsa molemong oa rōna. (Bona lebokose le reng “Karolo ea Bohlokoa eo Jesu a e Phethang”.) Ka sebele, Jesu o filoe “lebitso le ka holimo ho mabitso a mang ’ohle.”a O filoe matla ’ohle leholimong le lefatšeng.—Bafilipi 2:9; Matheu 28:18.