Qeta Nako e Ngata U E-na le Batho ba Ratang Jehova

Ke hobane’ng ha re lokela ho qeta nako e ngata re e-na le batho ba ratang Jehova? Ke hobane batho bao re qetang nako e ngata re e-na le bona ba ka re susumelletsa ho etsa litho tse ntle kapa tse mpe. (Lipr 13:​20) Mohlala, morena Joase o ne “a etsa se nepahetseng mahlong a Jehova” ha a ne a qeta nako e ngata le Moprista ea Phahameng Jehojada. (2Likr 24:2) Ka mor’a hore Jehojada a shoe, Joase o ile a lahla Jehova hobane o ne a se a tloaelane le batho ba etsang lintho tse mpe.​—2Likr 24:​17-19.

Moapostola Pauluse o ile a bapisa phutheho ea Bokreste le ‘ntlo e kholo’ ’me a bapisa litho tsa phutheho le “lijana.” Re lula re le ‘lijana bakeng sa morero o hlomphehang’ ha re qoba ho tloaelana le batho ba sa rateng Jehova, ebang ke beng ka rona kapa Bakreste ’moho. (2Ti 2:​20, 21) Kahoo, e se eka re ka tloaelana le batho ba ratang Jehova le ba re khothalletsang ho lula re mo sebeletsa.

SHEBELLANG VIDEO EA QOBA HO TLOAELANA LE BATHO BA FOSAHETSENG. EBE LE ARABA LIPOTSO TSE LATELANG:

• Re ka iphumana re qeta nako e ngata le batho ba fosahetseng re sa elelloe joang?

• Videong ee, ke eng e thusitseng Bakreste ba bararo hore ba khaotse ho ba le litloaelano tse fosahetseng?

• Ke melao-motheo efe e ka u thusang ho khetha ka bohlale batho bao u tloaelanang le bona?