• “Le Loane Ntoa e Thata Bakeng sa Tumelo”!
    Molula-Qhooa—1998 | June 1

    • 5. Jude o qotsa moprofeta ofe oa boholo-holo, ’me boprofeta boo bo ne bo hlalosa ho tiea ha phethahatso ea bona joang?

      5 Hamorao, Jude o bua ka kahlolo ea phello e tebileng le ho feta. O qotsa boprofeta ba Henoke—litemana tse sa fumanoeng sebakeng leha e le sefe se seng ka Mangolong a bululetsoeng.a (Jude 14, 15) Henoke o ile a bolela esale pele ka nako eo Jehova a neng a tla ahlola bohle ba khopo le liketso tsa bona tse khopo. Ka ho thahasellisang, Henoke o ile a bua ka tsela e bontšang ntho e seng e phethahetse hobane kahlolo ea Molimo e ne e tiile joalokaha eka e se e etsahetse. E ka ’na eaba batho ba ne ba ile ba soma Henoke ’me hamorao Noe, empa basomi ba joalo kaofela ba ile ba khangoa ke metsi Moroallong oa lefatše lohle.

  • “Le Loane Ntoa e Thata Bakeng sa Tumelo”!
    Molula-Qhooa—1998 | June 1

    • a Bafuputsi ba bang ba bolela hore Jude o qotsa mangolong a neano ao e seng karolo ea Bibele a hlahang ho Book of Enoch. Leha ho le joalo, R. C. H. Lenski o re: “Rea botsa: ‘Mohloli oa sehlomathiso see, Book of Enoch, ke ofe?’ Buka ena e mpa e le keketso, ’me ha ho na motho ea nang le bonnete ba hore na likarolo tsa eona tse fapaneng li ngotsoe neng . . . ; ha ho na ea ka tiisang hore mohlomong lipolelo tse ling tsa eona li ne li sa nkoa ho Jude ka boeena.”