Ntoa, Tlala, le Mafu

Matšoao a mang a ka sehloohong a boprofeta bona a boletsoe ka bokhutšoaane pontšong e tsebahalang ea banna ba lipere tsa Tšenolo ho Tšenolo 6:1-8 ’me ke ana:

“Pere e tšehla, ’me ea e kaletseng lebitso la hae e le Lefu, a latetsoe ke nģalo ea bafu; a fuoa matla holim’a karolo ea bone ea lefatše ho bolaea batho ka lerumo, le ka tlala, le ka lefu, le ka libatana tsa naha.” Mona, lefu la pele ho nako, ebang ke ka lebaka la ntoa, tlala, boloetse, kapa sebatana se hlaha, le bokella bahlaseluoa ba lona ka lebitleng la pele ho nako (Hades). Na ba limillione tse mashome ha ba kena lebitleng le joalo mehleng ea rōna?