PINA EA 111
Mabaka a Rona a ho Thaba
1. Re na le mabak’a mangata
A etsang hore re thabe.
Batho ba lichaba tse ngata
Ba sebeletsa Jehova.
Pelo tsa rona li thabile
Ebile li nyakaletse.
Re ithuta Ntsoe la Molimo
Hore re be le tumelo.
Leha re ka ba le mathata,
Re tla lula re thabile.
Jehova Molimo oa rona
O tla re thusa kamehla.
(K’HORASE)
Jehova o re fa thabo.
Re thabela popo ea hae.
E ntle haholo, hape ea hlolla.
Ke ’Mopi ea Matla ’Ohle.
2. Re ananela popo ea hae
Lefatšeng le maholimong.
Re rorisa Ntate oa rona
Ka baka la ketso tsa hae.
Re thabela ho ruta batho
Ka ’Mopi le ’Muso oa hae.
Litaba tsena tse monate
Re li phatlalatsa hohle.
Joale re thabile haholo,
Bofelo bo atametse.
Fatše le lecha le tla fihla,
Re thabe ka ho sa feleng.
(K’HORASE)
Jehova o re fa thabo.
Re thabela popo ea hae.
E ntle haholo, hape ea hlolla.
Ke ’Mopi ea Matla ’Ohle.
(Sheba le Deut. 16:15; Esa. 12:6; Joh. 15:11.)