PANANYA 6
Naon nubuat Kitab Suci ngeunaan Mésias?
NUBUAT
“Eh Betlehem Eprata! . . . Ti maneh Kami baris medalkeun hiji pangereh pikeun Israil.”
KAJADIAN
Yesus medalna di kota Betlehem bawahan Yudea, jaman Raja Herodes. Teu lila ti harita, aya tukang ngulik bentang ti wetan sarumping ka Yerusalem.”
NUBUAT
”Papakean abdi dilotrekeun tuluy dibagi-bagikeun.”
KAJADIAN
”Ceuk serdadu-serdadu, ’Ieu jubah ulah dipecah, urang lotrekeun bae saha engke anu meunangna.’ Eta kajadian teh nyumponan sakumaha anu geus dituliskeun dina Kitab Suci anu ungelna kieu: ’Pakean Kami ku maranehna dibagi-bagi, jubah Kami dilotrekeun.’ Nya kitu pisan anu dilampahkeun ku eta serdadu-serdadu teh.”
NUBUAT
”Ku PANGERAN diraksa sagala-galana, sahiji ge tulangna moal aya nu potong.”
KAJADIAN
”Barang rek minggeskeun sampean Yesus, teu tulus, sabab tetela Anjeunna mah geus pupus.”
NUBUAT
”Jalma nu ditubles ku maranehna nepi ka paeh teh bakal dipalire.”
KAJADIAN
”Aya hiji serdadu anu nojos angkeng-Na ku tumbak, brey bijilan getih campur cai.”
NUBUAT
”Seug ku maranehna dibayar tilu puluh gebleg perak.”
KAJADIAN
”Aya hiji murid ti antara nu dua welas, ngaranna Yudas Iskariot, datang ka imam-imam kapala. ’Upami abdi nyerenkeun Yesus ka Bapa-bapa, naon buruhna?’ carekna. Imam-imam kapala ngitung duit tilu puluh gebleg perak, tuluy diserenkeun ka Yudas.”