Allah Miharep Sadérék Janten Sobat-na

Allah miharep sangkan Sadérék janten sobat-Na. Naha kacipta ku Sadérék yén Sadérék tiasa janten sobat Allah Nu Maha Agung? Ibrahim, hiji nabi nu hirup di jaman baheula, disebut sobat Allah. (Yakobus 2:23) Jalma-jalma lian nu disebut dina Alkitab ogé ngajalin sosobatan sareng Allah sarta narima berkah anu limpah. Kiwari, jalma-jalma ti sakuliah dunya jaradi sobat Allah. Sadérék ogé tiasa janten sobat Allah.

Leuwih hadé jadi sobat Allah tibatan jadi sobat manusa mana waé. Allah moal bakal nguciwakeun sobat-sobat-Na anu satia. (Jabur 18:26) Jadi sobat Allah leuwih hadé batan mibanda harta. Waktu jelema beunghar maot, duitna bakal dipimilik ku batur. Namung, jalma-jalma nu sosobatan sareng Allah miboga harta nu henteu bisa dirampas ku saha waé.​—Mateus 6:19.

Sababaraha urang tiasa waé ngalarang Sadérék diajar ngeunaan Allah. Bisa waé maranéhna téh réréncangan sarta anggota kulawarga Sadérék nyalira. (Mateus 10:36, 37) Upami aya nu nyeungseurikeun sarta ngancam Sadérék, mangga tumaros ka diri nyalira, ’Kuring rék nyukakeun saha, manusa atawa Allah?’ Pikirkeun hal ieu: Upami aya nu ngalarang Sadérék tuang, naha Sadérék bakal ngagugu omonganana? Tangtu moal! Sadérék kedah tuang sangkan tetep hirup. Namung, Allah kersa maparin hirup nu langgeng ka Sadérék! Ku kituna, ulah ngantep saha waé ngalirénkeun Sadérék pikeun diajar carana janten sobat Allah.​—Yohanes 17:3.