Waspada, Sing Pengkuh, tur Kuat!

1. Waspada, sing pengkuh iman,

Sing tabah tur satia.

Ulah sieun ku ancaman,

Terus taat ka Putra.

Anjeunna anu mingpin urang,

Pastina urang bakal meunang.

2. Waspada, sing tetep sadar,

Siap taat paréntah.

Jalankeun pituduh Kristus

Liwat gandék satia.

Naséhat ti kokolot sidang

Ngabingbing tur nguatkeun urang.

3. Waspada, kudu ngahiji,

Bebeneran lampahkeun.

Sanajan Iblis ngalawan,

Umat Yah moal sieun.

Wartakeun ka jalma sadunya,

Poé Yéhuwa méh laksana.