PANANYA NU DIJAWAB ALKITAB
Na dosa urang bisa dihampura?
Sabenerna, teu hésé pikeun dipikanyaah ku Allah
Ceuk Alkitab, kabéh manusa téh boga dosa. Urang ngawaris dosa jeung kateusampurnaan ti manusa nu mimiti, Adam. Ku kituna, urang sok ngalakukeun hal salah, tuluy tungtungna kaduhung. Isa Al-Masih, Putra Allah, nebus dosa urang ku cara ngorbankeun nyawana. Ku kituna, dosa urang bisa dihampura. Ieu téh kurnia ti Allah.—Baca Roma 3:23, 24.
Sababaraha jalma geus ngalakukeun dosa gedé. Maranéhna mikir, na dosana bisa dihampura ku Allah. Tapi Alkitab nyebutkeun, ”Getih Isa Putra-Na bisa mupus sagala dosa urang.” (1 Yahya 1:7) Sanajan dosa urang gedé pisan, Yéhuwa daék ngahampura lamun urang rumasa salah jeung bener-bener tobat.—Baca Yesaya 1:18.
Kumaha carana supaya dosa urang bisa dihampura?
Lamun hayang dihampura ku Allah Yéhuwa, urang kudu diajar ngeunaan Anjeunna, kaasup kahayang-Na, naséhat-naséhat-Na, jeung paréntah-paréntah-Na. (Yahya 17:3) Yéhuwa resep ngahampura saha waé nu tobat tina dosana jeung daék barobah.—Baca Kisah 3:19.
Sabenerna, teu hésé pikeun dipikanyaah ku Allah. Yéhuwa paham kana kalemahan urang. Anjeunna gé bageur jeung welas asih. Sanggeus ngarasakeun kanyaah-Na, na anjeun hayang diajar carana nyenangkeun Allah?—Baca Jabur 103:13, 14.