KAHIRUPAN KRISTEN
Carana Jadi Palajar Alkitab nu Rajin
Saperti Daniél, naha Sadérék hayang tetep satia waktu aya cocoba? Daniél rajin ngulik Firman Allah, kaasup ngeunaan nubuat-nubuat nu hesé. (Dan 9:2) Lamun rajin diajar Alkitab, Sadérék bisa tetep satia. Ku naon? Hal éta bisa nguatkeun iman Sadérék ka jangji-jangji Yéhuwa nu bakal laksana. (Yos 23:14) Hal éta ogé bisa ngamekarkeun kanyaah Sadérék ka Allah, jadi Sadérék bakal kajurung pikeun ngalakukeun hal nu bener. (Jab 97:10) Kumaha Sadérék bisa ngamimitianana? Perhatikeun cara-cara ieu.
Naon nu kudu diulik? Kabiasaan diajar nu alus kaasup nyiapkeun bahan-bahan pasamoan. Maca Alkitab unggal minggu bakal leuwih mangpaat lamun ngulik topik-topik nu Sadérék can ngarti. Misalna, aya nu ngulik ngeunaan nubuat Alkitab, cara-cara ngamekarkeun sipat-sipat hasil roh Allah, perjalanan utusan injil Rasul Paulus, atawa ngeunaan ciptaan Yéhuwa. Lamun Sadérék boga pananya ngeunaan topik Alkitab, tulis jeung jadikeun éta sabagé bahan palajaran pribadi.
Di mana urang bisa néangan kateranganana? Tingali sababaraha carana dina vidéo Sarana Riset untuk Menggali Harta Rohani. Pikeun nguji pamahaman Sadérék, téangan kawasa-kawasa dunya naon nu digambarkeun ku sato-sato raksasa di Daniel pasal 7.
Sabaraha lila urang kudu diajar? Rutin diajar téh konci pikeun ngajaga karohanian urang. Mimitina, Sadérék bisa diajar sakeudeung. Mun geus biasa, waktuna bisa leuwih lila. Diajar Firman Allah saperti néangan harta. Beuki loba harta nu kapanggih, Sadérék beuki hayang néangan leuwih loba deui! (Sil 2:3-6) Sadérék bakal terus aus ku Firman Allah. Sadérék ogé bakal boga kabiasaan diajar Alkitab sacara rutin.—1Pet 2:2.
NAON NU DIGAMBARKEUN KU SATO-SATO RAKSASA DI DANIEL PASAL 7?
PANANYA TAMBAHAN:
Kumaha Daniel 7:8, 24 kalaksana?
PALAJARAN SATERUSNA:
Naon nu digambarkeun ku sato-sato dina Wahyu pasal 13?