Ningkatkeun Kamampuh Dines Urang—Méré Kasaksian ka Unggal Jalma di Daérah Urang

KU NAON PENTING? Jakaria ngaramalkeun yén jalma-jalma ti sagala bangsa bakal narima warta hadé. (Jak 8:23, NW) Tapi, saha nu bakal ngajar maranéhna? (Rum 10:13-15) Urang boga kahormatan jeung tanggung jawab pikeun nguarkeun warta hadé ka unggal jalma di daérah urang.​—od-IN 84 ¶10-11.

CARA NGALAKUKEUNANA:

• Siapkeun bahan-bahan. Naha Sadérék osok panggih jeung jalma nu basana béda? Sadérék bisa ngagunakeun aplikasi JW Language pikeun nepikeun kecap panganteur singget. Sadérék ogé bisa maké HP atawa tablét pikeun méré nyaho yén manéhna bisa néangan katerangan leuwih loba dina basana di jw.org

• Sing taliti. Lamun Sadérék dines ti imah ka imah, ulah poho pikeun méré kasaksian ogé ka nu ngaliwat atawa nu ngadagoan di mobil. Lamun Sadérék méré kasaksian di tempat umum, ulah kasimpangkeun

• Sing getol. Datangan deui jalma nu teu aya di imah. Upayakeun pikeun ngawawar ka unggal imah. Mun jalmana teu aya, coba dina waktu atawa poé séjénna. Bisa waé Sadérék teu bisa panggih langsung jeung maranéhna, tapi Sadérék bisa méré kasaksian liwat surat, telepon, atawa di jalan.

• Terus datangan. Datangan deui jalma nu minat. Lamun Sadérék jeung manéhna béda basa, téangan sadérék nu bisa ngabantu manéhna. Tetep datangan nepi ka manéhna didatangan ku sadérék séjén nu bisa ngomong basa manéhna.​—od-IN 94 ¶39-40

SETÉL VIDÉO MENGINJIL ”KE BAGIAN YANG PALING JAUH DI BUMI”, TERUS JAWAB PANANYA-PANANYA DI HANDAP:

• 

  Naon nu disiapkeun ku sadérék-sadérék saacan ngawawar ka tempat nu jauh? (1Kor 9:22, 23)

• 

  Naon waé tangtangan nu disanghareupan ku maranéhna?

• 

  Naon berkah-berkah nu ditarima?

• Naon waé nu bisa dilakukeun ku Sadérék pikeun ngawawar ka leuwih loba jalma di daérah Sadérék?