Yéhuwa Nyaah ka Jalma nu Bersih

”Kumbah leungeun hidep. Bersihan kamar hidep. Geura sasapu. Pangmiceunkeun runtah.” Para kolot ngajarkeun kabersihan ka barudakna. Tapi, prinsip ngeunaan kabersihan téh asalna ti Allah urang nu suci. (Bud 30:18-20; Pam 23:14; 2Kor 7:1) Lamun urang ngajaga awak jeung barang tetep bersih, urang ngamulyakeun Yéhuwa. (1Pet 1:14-16) Naha imah sarta lingkungan urang bersih? Béda jeung jalma nu sok miceunan runtah di jalan jeung di taman, urang Kristen mah ngupayakeun pikeun ngajaga planét Bumi tetep bersih. (Jab 115:16; Wahyu 11:18) Sikep urang kana kabersihan katémbong dina hal-hal leutik, misalna di mana urang osok miceun bungkus permén, botol cai, atawa tisu. Dina kahirupan sapopoé, urang hayang ’nembongkeun yen urang teh abdi-abdi Allah’.​—2Kor 6:3, 4.

TONGTON VIDÉO YÉHUWA NYAAH KA JALMA NU BERSIH, TERUS JAWAB PANANYA-PANANYA IEU:

• Naon nu sok dijadikeun alesan ku sababaraha jalma nu tara ngajaga barang-barangna tetep bersih?

• Kumaha pandangan Yéhuwa kana kabersihan katémbong dina Hukum Musa?

• Urang bisa tetep ngamulyakeun Yéhuwa sanajan teu ngomong nanaon. Kumaha carana?