Sadérék Bisa Diajar Naon tina Lagu-Lagu dina JW Broadcasting?

Dina JW Broadcasting, lagu naon waé nu jadi karesep Sadérék? Naon alesanana? Naha Sadérék merhatikeun yén vidéo-vidéona nyaritakeun kahirupan sapopoé? Lantaran téma jeung jinis musikna téh rupa-rupa, kabéh jalma bisa resep kana lagu-laguna. Tapi, lagu-lagu dina JW Broadcasting jeung vidéo-vidéo musik téh lain ngan saukur hiburan.

Dina unggal lagu, aya palajaran penting nu bisa dilarapkeun dina kahirupan jeung palayanan Kristen urang. Sababaraha lagu ngabahas sikep béréhan, karukunan, iman, kawani, kanyaah, atawa sosobatan. Lagu-lagu séjénna nyaritakeun ngeunaan jalma nu balik deui ka Yéhuwa, carana ngahampura batur, tetep satia, jeung ngahontal cita-cita rohani. Malah, aya ogé lagu ngeunaan carana ngagunakeun handphone sacara bijaksana. Sadérék meunang palajaran naon deui tina lagu-lagu éta?

TONGTON VIDÉO LAGU SUDAH DI DEPAN MATA, TERUS JAWAB PANANYA-PANANYA DI HANDAP:

• Berkah naon nu keur dibayangkeun ku salaki pamajikan nu geus kolot?​—Kaj 12:3

• Kumaha carana nguatkeun iman kana kawasa Yéhuwa pikeun ngawujudkeun jangji-jangji-Na?

• Sadérék ngarep-ngarep rék panggih deui jeung saha?

• Kumaha harepan Karajaan bisa ngabantu urang tabah nyanghareupan masalah?​—Rum 8:25, SF