KAHIRUPAN KRISTEN

Carana Salaki Pamajikan Nguatkeun Perkawinan

Ibrahim jeung Sarah téh tuladan nu hadé keur salaki pamajikan. Maranéhna silih pikanyaah jeung silih hormat. (Kaj 12:11-13; 1Pet 3:6) Tapi, perkawinan maranéhna teu sampurna. Maranéhna ogé nyanghareupan cocoba. Tina tuladan Ibrahim jeung Sarah, salaki pamajikan bisa diajar naon?

Sadérék kudu rutin komunikasi. Bisa jadi omongan batur hirup nganyenyeri haté Sadérék waktu manéhna keur loba masalah. Ulah kasinggung, tapi upayakeun pikeun ngarti kana parasaan manéhna. (Kaj 16:5, 6) Sadiakeun waktu keur duduaan. Terus tunjukkeun kanyaah Sadérék ka batur hirup liwat kekecapan jeung tindakan. Tapi nu paling penting, Sadérék jeung batur hirup kudu ngajaga hubungan jeung Yéhuwa ku cara diajar Alkitab, ngadoa, jeung ibadah babarengan. (Pan 4:12) Perkawinan nu kuat ngamulyakeun Yéhuwa, Pribadi Nu Nyiptakeun perkawinan nu suci.

TONGTON VIDÉO CARANA NGUATKEUN PERKAWINAN, TERUS JAWAB PANANYA-PANANYA IEU:

Dina vidéo ieu, hal-hal naon waé nu nyirikeun yén Erik jeung Kiara geus pajauh?
Ku naon jujur ngungkabkeun parasaan téh penting dina perkawinan?
Erik jeung Kiara diajar naon tina tuladan Ibrahim jeung Sarah?
Upaya naon waé nu dilakukeun ku Erik jeung Kiara pikeun nguatkeun perkawinan maranéhna?
Ku naon salaki pamajikan teu bisa ngarepkeun perkawinan nu sampurna?

Gambar-gambar: Gambar-gambar tina vidéo ’Carana Nguatkeun Perkawinan’. Erik jeung Kiara nyieun upaya pikeun nguatkeun perkawinanana. 1. Maranéhna diuk pajauh. 2. Maranéhna silih cekel panangan. 3. Maranéhna bungah dines bareng. — Sadérék bisa nguatkeun perkawinan Sadérék!