KAHIRUPAN KRISTEN
Singkirkeun Patung Allah-Allah Asing
Yakub nyaho ngan Yéhuwa nu layak disembah sanajan harita Mantenna can nyadiakeun hukum nu ngalarang nyembah brahala. (Bud 20:3-5) Jadi, sanggeus Yéhuwa nitah manéhna balik ka Bétel, Yakub maréntahkeun saeusi rumah tanggana pikeun ngumpulkeun brahala-brahala nu ahirna dipiceun ku Yakub. Éta kaasup anting-anting nu katingalina dijadikeun jimat. (Kaj 35:1-4) Yéhuwa pasti resep kana tindakan Yakub.
Ayeuna, kumaha urang bisa ngabuktikeun yén urang ngan nyembah ka Yéhuwa? Mimitina, singkirkeun sagala hal nu aya patalina jeung ibadah ka brahala atawa spiritisme. Ieu kaasup nyingkirkeun sagala hal nu aya patalina jeung élmu gaib sarta mariksa hiburan nu dipilih ku urang. Pék pikirkeun; ’Naha abdi resep kana buku atawa film nu nyaritakeun ngeunaan vampir, zombi, atawa mahluk supernatural? Naha dina hiburan abdi, sihir, jampé-jampé, atawa kutukan dianggap pikaresepeun jeung teu bahaya?’ Urang sakuduna ngajauhan sagala hal nu dipikaijid ku Yéhuwa.—Jab 97:10.
TONGTON VIDÉO ”IBLIS KUDU DILAWAN”, TERUS JAWAB PANANYA-PANANYA DI HANDAP:
Masalah naon nu keur disanghareupan ku saurang palajar Alkitab nu ngaranna Palesa?
Ku naon bijaksana pikeun ménta bantuan kokolot waktu urang atawa palajar Alkitab diganggu ku roh-roh jahat?
Lawan si Iblis jeung sing raket ka Allah.—Yak 4:7, 8
Lamun hayang dilindungan ku Yéhuwa, hal naon waé nu kudu dipiceun ku urang?
Palesa wani nyieun tindakan naon?
Di daérah Sadérék, naon nu bisa dilakukeun pikeun nyingkahan pangaruh roh-roh jahat?