Kampanyeu Husus pikeun Ngumumkeun Karajaan Allah dina Bulan Nopémber

Yésus pernah ngumumkeun ”Injil Kasalametan ngeunaan Karajaan Allah”. (Luk 4:43) Anjeunna gé ngajar jalma-jalma pikeun ngadoakeun Karajaan éta. (Mat 6:9, 10) Dina bulan Nopémber, bakal aya kampanyeu husus pikeun ngumumkeun Karajaan Allah. (Mat 24:14) Atur jadwal Sadérék supaya Sadérék bisa ngagunakeun loba waktu keur kampanyeu ieu. Sadérék nu ngadaptar jadi panaratas ékstra dina bulan ieu bisa milih rék naratas 30 jam atawa 50 jam.

Béré nyaho ayat ngeunaan Karajaan Allah ka saloba-lobana jalma di daérah Sadérék. Waktu milih ayat, pikirkeun ogé agama maranéhna. Lamun jalmana minat, urang bisa méré majalah Menara Pengawal edisi umum No. 2 2020. Tuluy, geura datangan deui jalma éta jeung mimitian palajaran Alkitab maké publikasi dina Alat Bantu Pengajaran. Sakeudeung deui, Karajaan Allah bakal ngancurkeun sakabéh pamaréntahan di dunya. (Dan 2:44; 1Kor 15:24, 25) Ku kituna, urang bisa bener-bener ngagunakeun kasempetan ieu pikeun némbongkeun yén urang téh mihak ka Yéhuwa jeung Karajaana-Na!