Ningkatkeun Kamampuh Dines Urang​—Ngawawar Maké Telepon

KU NAON PENTING? Ngawawar maké telepon téh salah sahiji cara alus pikeun ”mertelakeun Injil”. (Ras 20:24)a Ku cara ieu, urang tetep bisa ngawawar sanajan kaayaan nyababkeun urang teu bisa manggihan maranéhna.

CARANA:

• 

  Siapkeun. Pilih hiji topik nu cocog. Siapkeun kekecapan nu rék diomongkeun. Siapkeun ogé kekecapan singget lamun Sadérék kudu ninggalkeun pesen di mesin penjawab telepon. Misalna, ngeunaan tujuan Sadérék nelepon. Alusna Sadérék nelepon di hareupeun méja bari diuk. Jadi, Sadérék bisa bari ningali catetan jeung bahan-bahan nu dibutuhkeun tina JW Library^® atawa jw.org^®

• 

  Sing tenang. Ngomongna sing tenang, ulah poho seuri. Anggap manéhna keur aya di hareupeun Sadérék. Ngomongna ulah putus-putus supaya teu karagok. Sadérék bisa ngawawar bareng jeung sadérék séjén. Lamun nu boga imah nanyakeun hiji hal, Sadérék bisa ngulang deui pananyana, supaya nu maturan sadérék bisa mantuan néangan jawabanana

• 

  Upayakeun supaya bisa ngobrol deui. Lamun nu ditelepon katingalina resepeun, Sadérék bisa méré pananya keur dibahas engké pas nelepon deui. Sadérék ogé bisa nawarkeun bacaan pikeun dikirim liwat e-mail atawa dianteur ka imahna. Atawa, tawarkeun artikel atawa vidéo pikeun dikirim liwat e-mail, SMS, atawa chat