KAHIRUPAN KRISTEN
Kanyaah Dibuktikeun ku Ngadukung Disiplin ti Yéhuwa
Lamun saurang jalma dipecat, éta ngadisiplin manéhna sorangan sarta ngalindungan sidang. (1Kor 5:6, 11) Mémang, ieu pasti nganalangsakeun haté kulawarga éta jalma jeung kokolot dina panitia pangadilan. Tapi lamun urang ngadukung disiplin ti Yéhuwa, éta hartina urang téh nyaahan. Kumaha bisa?
Nu pangutamana, tindakan urang ngabuktikeun urang téh nyaah ka Yéhuwa, nami-Na, sarta ngajungjung standar-Na ngeunaan kasucian. (1Pet 1:14-16) Urang ogé kabukti nyaah ka jalma nu dipecat. Sanajan matak nyeri, disiplin téh mawa katengtreman jeung kasalametan. (Ibr 12:5, 6, 11) Lamun urang tetep campur gaul jeung jalma nu dipecat atawa nu embung deui jadi Saksi Yéhuwa, urang téh ngaganggu Yéhuwa nu keur méré disiplin. Sing inget, Yéhuwa mah méré disiplin téh ”reujeung adil”. (Yer 30:11) Urang tangtu hayang éta jalma mulihkeun deui hubunganana jeung Bapa urang nu welas asih. Jadi, urang bakal terus ngadukung cara Yéhuwa méré disiplin sarta ngajaga sosobatan urang jeung Yéhuwa tetep raket.—Yes 1:16-18; 55:7.
TONGTON VIDÉO SING SAPINUH HATÉ SATIA KA YÉHUWA, TERUS JAWAB PANANYA-PANANYA DI HANDAP:
Kumaha parasaan kolot Kristen lamun budakna ninggalkeun Yéhuwa?
Kumaha sidang bisa méré dukungan ka dulur saiman nu anggota kulawargana ninggalkeun Yéhuwa?
Kisah naon dina Alkitab nu ngajarkeun yén satia ka Yéhuwa leuwih penting tibatan ka kulawarga?
Naon cara pikeun ngabuktikeun mun urang leuwih satia ka Yéhuwa tibatan ka anggota kulawarga?